Parisdə anlaşma: Azərbaycanla bağlı məlumatlar İrəvana ötürüləcək

Fransa peyk məlumatlarını Ermənistana ötürəcək.

Teleqraf.com xəbər verir ki, bu barədə Ermənistanın “Hraparak” qəzeti məlumat yayıb.

Nəşr yazır ki, Baş nazir Nikol Paşinyanın Parisə səfərinin sonunda Fransa Kəşfiyyat Xidməti ilə Ermənistan Milli Təhlükəsizlik Xidməti arasında dörd ölkə - Azərbaycan, İran, Rusiya və Türkiyə ilə bağlı kəşfiyyat məlumatlarının mübadiləsi ilə bağlı razılaşma əldə olunub.

Bundan əlavə, eyni iddiaya görə, Paris Ermənistanın sərhədləri boyunca hərbi-siyasi vəziyyətlə bağlı məlumatları özündə əks etdirən peyk məlumatlarını İrəvana ötürəcək.