Bolqarıstan Azərbaycanla İKT sahəsində razılığı təsdiqləyib

Bolqarıstan hökuməti Azərbaycanla elektron rabitə, informasiya texnologiyaları və elektron idarəetmə sahələrində əldə olunan razılığı təsdiqləyib.

Bu barədə Trend Bolqarıstan mətbuatına istinadən xəbər verir.

Sənəd martın 4-ü Azərbaycan Prezidenti İlham Əliyevin Bolqarıstana səfəri zamanı imzalanıb.

Məlumatda deyilir: “Razılıq elektron idarəetmə, informasiya təhlükəsizliyi, informasiya cəmiyyətində siyasi standartların unifikasiyası sahələrində ikitərəfli münasibətlərin inkişafına imkan yaradacaq və bu sahədə işgüzar əlaqələrin inkişafına səbəb olacaq”.