Kaliforniya ştatında azərbaycanlı icmasının nümayəndələri həmsədrlərlə görüşüblər

ABŞ-ın Kaliforniya ştatının azərbaycanlı icmasının nümayəndələri ATƏT-in Minsk qrupunun həmsədrləri ilə görüşüblər.

Teleqraf.com Azərbaycanın Los-Ancelesdəki baş konsulluğuna istinadən verdiyi məlumata görə, görüşdə ATƏT-in Minsk qrupunun amerikalı həmsədri Ceyms Uorlik, rusiyalı həmsədr İqor Popov, fransalı həmsədr Pyer Andryu və ATƏT-n fəaliyyətdə olan sədrinin şəxsi nümayəndəsi Anjey Kaspşik iştirak ediblər.

Söhbət zamanı həmsədrlərin Dağlıq Qarabağ münaqişəsinin sülh yolu ilə həlli istiqamətindəki səyləri müzakirə edilib.

Xatırladaq ki, görüş ATƏT-in Minsk qrupu həmsədrlərinin ABŞ-a səfəri çərçivəsində baş tutub.