Xanlar Vəliyev: “Qarabağdakı qətliamlarla bağlı istintaq davam etdirilir”

“Xocalı, Qaradağlı, Meşəli və Bağanıs-Ayrım faciələri ilə bağlı istintaq-əməliyyat tədbirləri davam etdirilir”.

Teleqraf.com xəbər verir ki, bu barədə 2015-ci ilin birinci yarımilində görülmüş işlərin və qarşıda duran vəzifələrin müzakirəsinə həsr olunmuş geniş kollegiya iclasında Azərbaycan Respublikası baş prokurorunun müavini – hərbi prokuror, ədliyyə general-leytenantı Xanlar Vəliyev deyib.

Hərbi prokuror Xanlar Vəliyev Xocalı, Qaradağlı, Meşəli, Bağanis-Ayrım faciələri, terror, habelə əsir düşmüş şəxslərə işgəncə verilməsi və Ermənistan silahlı qüvvələrinin törətdikləri digər cinayət əməlləri ilə bağlı hərbi prokurorluqda aparılan istintaq barədə kollegiya iştirakçılarına məlumat verərək bildirib ki, həmin cinayət işi üzrə hazırda intensiv istintaq-əməliyyat tədbirləri davam etdirilir.

Hacı Zeynalov