Bakıda Alman Birliyi Günü qeyd ediləcək

Oktyabrın 1-də Bakıda Almaniya səfirliyi tərəfindən Alman Birliyi Günü ilə bağlı tədbir keçiriləcək.

Bu barədə Almaniyanın Azərbaycandakı səfirliyindən məlumat verilib. Məlumata görə, tədbirdə Azərbaycan hökumətinin nümayəndələri, iqtisadiyyat, vətəndaş cəmiyyəti, mətbuat və diplomatik korpus təmsilçiləri daxil olmaqla, 500 qonağın iştirakı gözlənilir.

Qeyd edək ki, Alman Birliyi Günü 3 oktyabr 1990-cı ildə şərqi və qərbi Almaniyanın yenidən birləşməsinin rəmzidir. Bu il Almaniya birlikdə və azad yaşayışın 25 illiyini qeyd edəcək.

Səxavət