Güclü qar Bakı aeroportunun işinə təsir etməyib

Gecə saatlarından davam edən güclü qara baxmayaraq Heydər Əliyev Beynəlxalq Hava Limanının işində heç bir problem müşahidə olunmur.

Bunu Trend-ə hava limanından məlumat veriblər.

Qeyd edilib ki, hazırda təyyarələrin yola salınması və qəbulu normal rejimdə həyata keçirilir.

Havanın temperaturunun gecə 0-3° şaxta, gündüz 0-3° isti olacağı gözlənilir.