Putin Sərkisyana hirsləndi - “Bəsdir...”

Qarabağda 4 günlük müharibə zamanı ağır məğlubiyyətə uğrayan Ermənistan rəhbərliyi dərin psixoloji sarsıntı keçirməkdədir. Sərkisyan hakimiyyəti bütün uğursuzluğunu Rusiyada görür.

Teleqraf.com Ermənistan mətbuatına istinadən xəbər verir ki, Sərkisyan müharibənin dayandırılması üçün təcili olaraq Rusiya prezidenti Vladimir Putinə zəng edib və xahiş edib ki, cəbhədə atəşkəsin əldə olunması üçün bütün səylərini işə salsın. Əks təqdirdə Ermənistan işğal etdiyi bütün əraziləri qısa zamanda əldən çıxara bilər. Rusiya prezidenti Sərkisyana bu xahişin qarşılığında "5 rayonu təcili qaytar və digər rayonların taleyini sonrakı mərhələdə müzakirə edərik" təklifini verib. Sərkisyan öncə bu təklifi qəbul edib, amma Azərbaycan xahişləri nəzərə alıb birtərəfli qaydada atəşkəsə əməl edəndən sonra erməni prezident adətinə sadiq qalaraq cığallıq edib.

Ağır məğlubiyyətdən sonra yenidən Putinə zəng edən Sərkisyan Rusiyadan silah istəyib və bu zaman sərt reaksiya ilə üzləşib. Qeyd olunur ki, Putin Sərkisyana "Bəsdir, nə vaxta qədər sənə pulsuz silah verəcəm" şəkilində cavab verib. Hazırda bütün beynəlxalq layihələrdən, xarici dəstəkdən məhrum olan Sərkisyan hakimiyyəti cəbhədə əməliyyatlar keçirməklə kiçik uğurlar qazanıb, bununla da erməni ictimaiyyətində yaranan inamsızlığı, ruh düşkünlünü aradan qaldırmağa çalışır.

Qeyd edək ki, aprel müharibəsindən sonra Ermənistanın təlaş içərisində olduğunu bütün xarici media mənsubları da təsdiqləyirlər. Gürcüstan mətbuatında dərc olunan "Ermənistanı dəyişən müharibə" başlıqlı yazıda müəllif aprelin 6-dan sonra Ermənistanda aparıdğı müşahidələri qələmə alıb. Yazıda qeyd olunur ki, sonuncu hərbi əməliyyatlar Ermənistanda çox böyük psixoloji effekt doğurub, ermənilər böyük qorxuya və təşvişə düşüb. Onlara görə bu müharibə artıq sadəcə hansısa ərazilərin itirilməsi və ya əldə edilməsi deyil, ölüm və ya qalım, ölkənin varlığı məsələsinə çevrilib. Ermənilər belə hesab edir ki, Azərbaycanı 10 müharibəni uduzsa belə onun yenidən dirçəlməsi üçün şansı var. Amma ermənilərin bu cür şansı yoxdu, onların məğlubiyyəti ölkəkərinin sonuna səbəb ola bilər.