Ramiz Fətəliyevə "Xalq artisti" fəxri adı və "Şöhrət" ordeni verildi

Azərbaycan Prezidenti İlham Əliyev Ramiz Fətəliyevə "Xalq artisti" fəxri adının verilməsi haqqında sərəncam imzalayıb.

Sərəncamda qeyd olunur ki, Azərbaycan Respublikasında kinematoqrafiya sahəsində uzunmüddətli səmərəli fəaliyyətinə görə Ramiz Məmmədəli oğlu Fətəliyevə "Xalq artisti" fəxri adı verilsin.

Dövlət başçısının digər sərəncamı ilə Azərbaycan mədəniyyətinin inkişafındakı xidmətlərinə görə Ramiz Fətəliyev "Şöhrət" ordeni ilə təltif edilib.