Dörd rayonda narkotik əməliyyatı keçirildi

Daxili İşlər Nazirliyinin narkotiklərlə bağlı əməliyyat tədbirləri davam etdirilir.

Teleqraf.com xəbər verir ki, Pirallahı rayon polis şöbəsi əməkdaşlarının əməliyyat-axtarış tədbirləri nəticəsində Şəmkir rayon sakini Fərman Bayramovdan 2 kiloqram 453,75 qram marixuana götürülüb.

Daha bir əməliyyat Bərdə rayonunda keçirilib. Əməliyyat-axtarış tədbirləri nəticəsində Lək kənd sakini, əvvəllər məhkum olunmuş Vahid Qədimov həbs edilib. Ondan 0,6 qram heroin, yaşadığı evin həyətindəki yardımçı təsərrüfata baxış zamanı isə 1 kiloqram 167 qram marixuana aşkar edilib.

Oxşar əməliyyat Tərtər rayonunda da keçirilib. Polis Seydimli kəndi ərazisindən ümumi çəkisi 640 kiloqram olan 1190 ədəd çətənə kolu aşkarlayıb.

Bundan başqa, Kürdəmir rayon polis şöbəsi əməkdaşları tərəfindən Şıxımlı kəndi ərazisindən 165 ədəd yabanı halda bitmiş çətənə kolu aşkarlayaraq məhv edib.

Hacı Zeynalov