Niderland mətbuatı Njdeyə heykəl qoyulmasını PİSLƏDİ

Niderlandın wereldjournalisten.nl (dünya jurnalistləri) saytı faşist generalı, milliyətcə erməni olan və Njde kimi tanınan Qaregin Ter-Arutunyana heykəl qoyulmasına etiraz edən yazı dərc edib.

Diasporla İş üzrə Dövlət Komitəsindən Teleqraf.com-a verilən məlumata görə, “Nasistə heykəl” adı ilə yerləşdirilən yazıda bu gün ermənilərin və Ermənistan dövlətinin bütləşdirməyə, qəhrəman imici formalaşdırmağa cəhd göstərdiyi Njde haqqında geniş məlumat verilib.

Müəllif qəhrəman kimi tədqim edilən Njdenin əslində Hitlerin əlaltısı, nasist ideologiyasına xidmət edərək İkinci dünya müharibəsində kütləvi qətllərin törədilməsində birbaşa məlsuliyyət daşıyanlardan biri olmasını yerli oxucuların diqqətinə çatdırıb.

Faşist generalına bəraət cəhdlərini pisləyən müəllif yazısını yəhudi tarixçi Efraim Zuroffun fikirləri ilə tamamlayır: “Biz faşistlərlə birgə vuruşan və onlara dəstək göstərənlərin qəhrəman kimi təqdim olunmasına qarşı çıxmalıyıq”.

Səxavət