Referendum: Bütün protokollar MSK-ya təqdim edildi

“Azərbaycanda keçirilən referendumla bağlı bütün seçki məntəqələri hesabatı yekunlaşdırıb”.

Teleqraf.com xəbər verir ki, bunu Mərkəzi Seçki Komissiyasının (MSK) sədri Məzahir Pənahov sentyabrın 26-da Azərbaycanda Konstitusiyaya dəyişikliklər edilməsi məqsədi ilə baş tutan ümumxalq səsverməsinin (referendum) nəticələri ilə bağlı keçirdiyi mətbuat konfransında çıxışı zamanı bildirib.

M.Pənahov deyib ki, 5627 seçki məntəqəsinin hər biri protokolları MSK-ya təqdim ediblər:

“Bütün məntəqələrin hamısı bu gün səhər saatlarında MSK-ya daxil olub. Yəni, 125 dairə üzrə 5627 məntəqədə səsvermə olub ki, bu məntələrin hər biri də MSK-ya hesabat verib”.

M.Pənahov referendumun şəffaf və demokratik şəraitdə keçirildiyini söyləib.