“Ermənistan Avrasiya İqtisadi Birliyinə üzv olmasına dair sazişi bu ilin oktyabr ayında imzalaya bilər”.
Bunu Qazaxıstanın xarici işlər naziri Erlan İdrisov deyib.
Onun sözlərinə görə, saziş böyük ehtimalla AİB-ə üzv ölkə başçılarının Belarusun paytaxtı Minskdə keçiriləcək növbəti toplantısında imzalanacaq.
Qeyd edək ki, Rusiya prezidenti Vladimir Putin isə açıqlama vermişdi ki, Ermənistan AİB-ə üzv olma haqqında sazişi yaxın vaxtlarda imzalayacaq. /ANS PRESS/