GUAM azad ticarət zonası yaradır

Gürcüstan, Ukrayna, Azərbaycan və Moldova ilin sonuna qədər Ümumdünya Ticarət Təşkilatının prinsip və qaydaları əsasında azad ticarət zonası yaratmaq niyyətindədir.

"Report" Ukrayna KİV-inə istinadən xəbər verir ki, bu barədə Ukraynanın baş naziri Vladimir Qroysman GUAM üzvü olan ölkələrin hökumət başçılarının görüşündən sonra bildirib:

"Bu gün iqtisadi əməkdaşlığın dərinləşdirilməsi məsələlərinə toxunduq. Təbii ki, siyasi qarşılıqlı əlaqələr məsələlərini müzakirə etdik. Artıq 2017-ci ildə ölkələrimiz çərçivəsində azad ticarət zonasının tam həyata keçirilməsinə imkan verəcək bir sıra sənədlər imzalanması vacib idi. Bu, iqtisadiyyatlarımıza müsbət təsir göstərəcək, əməkdaşlığımızı dərinləşdirəcək".