Rusiya ABŞ-ın acığına Palmiranı bombaladı - Video

Rusiya Dəniz Qüvvələrinə məxsus "Admiral Essen" freqatı və "Krasnodar" sualtı gəmisi Suriyanın Palmira şəhərində yerləşən İŞİD terror təşkilatına məxsus mövqeləri bombalayıb.

Teleqraf.com xarici mediaya istinadla xəbər verir ki, bununla bağlı Rusiya Müdafiə Nazirliyi məlumat yayıb.

Əməliyyatlarda "Kalibr" qanadlı raketlərindən istifadə olunub.

Bombardmandan sonra Rusiyanın Müdafiə naziri Sergey Şoyqu Prezident Vladimir Putinə hücumun nəticələri ilə bağlı məruzə edib.

Qeyd edək ki, ABŞ Mərkəzi Kəşfiyyat İdarəsinin 5 agentinin və YPG qruplaşmasının üzvlərinin Rakka şəhərinin boşaldılması üçün İŞİD terrorçuları ilə danışıqlara getməsi ilə bağlı xəbər yayılmışdı.

Əməliyyatın görüntülərini təqdim edirik: