Rus təyyarəsinin qəza səbəbi üzə çıxdı – 92 ölü

Rusiya Müdafiə Nazirliyi Qara dənizdə Tu-154 təyyarəsinin qəzaya uğraması ilə bağlı istintaqın nəticələrini açıqlayıb.

Teleqraf.com xarici mediaya istinadla xəbər verir ki, qəzaya səbəb kimi əsas pilotun səhvi göstərilib:

"Araşdırmalar zamanı məlum olub ki, təyyarədə heç bir texniki nasazlıq olmayıb. Yanacaq və yükün ağırlığı da icazə verilən səviyyədə olub. İstintaqın nəticələrinə əsasən, əsas pilot təyyarəyə nəzarəti itirib və bu da qəzaya səbəb olub".

Qeyd edək ki, ötən ilin dekabr ayında Qara dəniz üzərində qəzaya uğrayan Tu-154-dəki 92 nəfərin hamısı ölmüşdü.