İki xanımı zorlamaq istəyən livanlı turist linc edildi

Türkiyədə vahiməli və qeyri-adi hadisə yaşanıb.

Teleqraf.com Türkiyə mediasına istinadla xəbər verir ki, adı bəlli olmayan Livan əsilli turist Başak şəhərində iş yerlərindən birində qadını zorlamaq istəyib.

Qadın turistin təcavüz niyyətini bildikdə qışqıraraq ətrafdakı insanlardan kömək istəyib. Turist hadisə yerindən qaçıb.

Bir neçə gün sonra livanlı turist həmin ərazidəki marketlərdən birinə daxil olub, burada işləyən gənc qızı zorlamaq istəyib. Qızın qışqıraraq səs-küy salmasından sonra turist yenidən hadisə yerindən qaçmağa müvəffəq olub. İnsanlar onun arxasınca düşsə də, turistə çata bilməyib.

Lakin yolla qaçan turist təsadüfən birinci dəfə zorlamaq istədiyi qadınla üz-üzə gəlib. Qadın təcavüzkarı tanıyaraq qışqırmağa başlayıb. Bu dəfə qaçan turist məscidin bağçasında yaxalanıb.

Hadisə yerinə gələn bir yaşlı kişi onu döyməyə və təhqir etməyə başlayıb. Ətrafdakı insanlar da yaşlı kişiyə qoşularaq turisti linc edib. Bəlli olub ki, yaşlı kişi turistin əmisidir.

Polis turisti bölməyə aparıb.