İstanbul hava limanında dava - 5 nəfər bıçaqlandı

Türkiyənin Sabiha Göken hava limanında dava düşüb.

Teleqraf.com türk mediasına istinadla xəbər verir ki, hadisə hava limanında gecə saat 1:30-da baş verib. Beləki limandan İzmit-Bursa-Yalova istiqamətində müştəri daşıyan iki firma əməkdaşları arasında müştəri üstündə mübahisə yaranıb. Sonra mübahisə davaya çevrilib və nəticədə 5 nəfər bıçaq zərbəsindən yaralanıb.
Polis çoxlu sayda şəxsi həbs edib.

Məlumata görə, davada hər iki şirkətin 40-a yaxın nümayəndəsi iştirak edib. Hər iki tərəfdən də bir neçə nəfər bıçaq yarası alıb. Davaya hava limanının polisi və xüsusi təhlükəsizlik qüvvələri müdaxilə edib.

Yaralılar dərhal yaxınlıqda olan xəstəxanalara aparılıb.