Atatürkün heykəlini korlayan şəxs həbs edildi

Türkiyədə Atatürkün heykəlinin lövhəsini sprey boya ilə korlayan şəxs həbs edilib.

Teleqraf.com xəbər verir ki, Osman M. adlı şəxs Atatürkün Əskişəhərdəki heykəlini korladığı üçün bu gün saxlanılıb.

50 yaşlı Osman Təpəbaşı Bələdiyyəsinin binası önündəki Atatürkün heykəlinin lövhəsi üzərində yazılmış "Mən mənəvi miras olaraq heç bir ayət, heç bir doqma, heç qəliblənmiş qayda buraxmıram. Mənim mənəvi mirasım Elm və Ağıldır" qeydini boya ilə pozmağa çalışıb.

Məhkəmə Osmanın barəsində həbs qətiimkan tədbiri seçib.