35 minlik oğurluğun üstü açıldı

Abşeron rayonunda mağazada baş verən oğurluğun üstü açılıb.

Teleqraf.com xəbər verir ki, cari il yanvarın 16-da rayon ərazisindəki mağazalardan birindən 35.000 manat oğurlanıb.

Baş Cinayət Axtarışı İdarəsi və Abşeron rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Sumqayıt şəhər sakini Qadir Əliyev tutulub.

İstintaq araşdırması zamanı Qadir Əliyevin əvvəllər də məhkum olunduğu üzə çıxıb.

Faktla bağlı cinayət işi başlanıb.