Xaçmazdakı meşə yanğını söndürüldü - Yeniləndi

Xaçmaz rayonu, Çiləgir kəndində 15 ha sahədə biçilmiş taxıl sahəsi və 3 ha sahədə kol-kos, qurumuş ağac qalıqları yanıb.

Fövqəladə Hallar Nazirliyindən Teleqraf.com-a verilən məlumata görə, yanğının meşə ərazisinə keçməsinin qarşısı alınıb.

***

18:33

Bu gün Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə daxil olmuş məlumata əsasən, Xaçmaz rayonunun Çiləgir kəndi yaxınlığında biçilmiş taxıl sahəsində və meşə zolağında yanğın başlayıb.

Teleqraf.com FHN-in saytına istinadən xəbər verir ki, Dövlət Yanğından Mühafizə Xidmətinin və Şimal Regional Mərkəzinin şəxsi heyəti və texnikası hadisə rayonundadır. Yanğınsöndürmə işləri barədə əlavə məlumat veriləcək.