Rusiyada bina çökdü: Ölәnlәrin sayı artdı - Video/Yeni

21:22

Rusiyanın İjevsk şəhərində yaşayış binası çöküb.

Teleqraf.com Rusiya mətbuatına istinadən xәbәr verir ki, 9 mərtəbəli yaşayış binasının blokunun çökməsi nәticәsində iki nəfər ölüb. Xilasedicilər dağıntılar altından 4 nəfəri çıxarıblar. Onlardan ikisi artıq evə buraxılıb. Dağıntılar altında hәlә dә insanların qaldığı bildirilir.

28 nəfərin yaşadığı 8 mənzil tamamilə dağılıb.

Rusiya FHN-in məlumatına görə, hadisəyә sәbәb məişət qazının sızması olub.

Bina 1999-cu ildə tikilib. Qəza ilə bağlı cinayət işi açılıb, araşdırma aparılır.

***

03:07

Rusiyanın İjevsk şəhərində 9 mərtəbəli yaşayış binasının bir blokunun tamamilə uçması nəticəsində ölənlərin sayı 5-ə çatıb.

Hadisə nəticəsində xəsarət alan 4 nəfərdən biri xəstəxanada keçinib. Onun qadın olduğu bildirilir.

***

İjevsk şəhərində 9 mərtəbəli binanın blokunun uçması nəticəsində ölənlərin sayı 6-ya çatıb.

Teleqraf.com xarici mediaya istinadla xəbər verir ki, itkin düşən şəxslərdən birinin də cəsədi dağıntılar altında aşkar edilib.

Hazırda itkin düşdüyü bildirilən daha bir nəfərin axtarışları davam edir.