Goranboyda ağır qəza: 1 azyaşlı öldü, 12 yaralı

20:21

Goranboyda yol-nəqliyyat hadisəsi baş verib.

Rayonun Bəşirabbas kəndi ərazisində "Oka" və "Zaporojets" markalı avtomobillər toqquşub. Hadisə nəticəsində 12 nəfər xəsarət alıb. Onlardan 11 nəfər Gəncə şəhər Təcili Tibbi Yardım Xəstəxanasına, bir nəfər isə Goranboy rayon Mərkəzi Xəstəxanasına yerləşdirilib.

Yaralılardan 6 nəfərin vəziyyəti orta ağırdır.

Xəsarət alanların arasında azyaşlıların da olduğu bildirilir.

Məlumata görə, xəsarət alan şəxslər toydan qayıdırmış.

Qəzanın səbəbləri araşdırılır./APA/

***

Goranboyda baş verən yol qəzasında xəsarət alan azyaşlı dünyasını dəyişib.

Rayonun Bəşirli kəndi ərazisində qeydə alınan yol qəzasında xəsarət alan 3 azyaşlı Gəncə şəhər 2 saylı Birləşmiş Uşaq xəstəxanasına yerləşdirilib. Tibbi yardımlara baxmayaraq, onlardan bir nəfəri, 2010-cu il təvəllüdlü Əliyev Nicat Ramil oğlu dünyasını dəyişib. Digər 2 azyaşlının vəziyyəti isə orta ağırdır.

Goranboy rayonunun Kələk kənd sakini, 2003-cü il təvəllüdlü Kənan Novruz oğlu Məmmədov şok vəziyyətinə düşüb. Hazırda Goranboy Rayon Mərkəzi Xəstəxanasında onun müalicəsi davam etdirilir.

***

Goranboyda baş verən yol qəzası nəticəsində xəsarət alanlardan 6 nəfərin kimliyi məlum olub.

Əliyev Ramin Nazim oğlu, 1986

Quliyeva Şəbnəm Sabit qızı, 1999

Məmmədova Nüşabə İsrayıl, 1988

Quliyev Hüseyn Sadiq oğlu, 2002

Süleymanov Orxan Sərvan oğlu, 1997

Bayramova Sadəgül Həsən qızı, 1991