Canlı yayımda Saakaşviliyə hücum edildi – Video

Gürcüstanın sabiq prezidenti, Odessa vilayətinin eks-qubernatoru Mixail Saakaşvili hücuma məruz qalıb.

Teleqraf.com xarici mediaya istinadla xəbər verir ki, hadisə Ukrayna televiziyalarından birində yayımlanan “Ukrayna formatı” verilişində baş verib.

Ali Radanın “Radikal Partiya”sından olan deputatı İqor Mosiyçuk Saakaşvili ilə mübahisə edib.

Mübahisəyə səbəb Mosiyçukun Saakaşvilini korrupsiyada ittiham etməsi olub. Qısa müddətdə mübahisə qızışıb və Mosiyçuk sabiq prezidentə hücum edib. Bu zaman verilişin aparıcısı araya girib və davanın dərinləşməsinə imkan verməyib.