Türkiyədə naməlum şəxs məktəbliləri güllələdi - 7 yaralı

Türkiyənin Qaziantəp şəhərində naməlum şəxs məktəbin həyətində tüfəngdən atəş açıb.

Teleqraf.com xəbər verir ki, 5-i şagird olmaqla 7 nəfər yaralanıb. Yaralılar xəstəxanaya çatdırılıb, onların həyatlarına təhlükə olmadığı bildirilir.

Futbol oynayan şagirdlərə atəş açan şəxs hadisə yerindən qaçıb. Onun kimliyi müəyyən edilib. Hazırda silahlının tutulması istiqamətində əməliyyat-axtarış tədbirləri həyata keçirilir.

Hadisənin başvermə səbəbi bilinmir.