Selfi çəkən şəxsin faciəvi ölüm anı - Video

Türkiyənin Şanlıurfa vilayətində tarixi qalada selfi çəkdirən 38 yaşlı kişi faciəvi şəkildə dünyasını dəyişib.

Teleqraf.com xəbər verir ki, ad günündə dostları ilə birlikdə tarixi qalaya səfər edən Halil Dağın qaladan yıxılması kameraların yaddaşına həkk olunub.

Qeyd olunur ki, kişi arxa fonda göl mənzərəsinin düşməsi üçün qalanın ən hündür zirvəsinə çıxıb. Bu zaman ayağı sürüşən Halil Dağ 20 metr yüksəklikdən yerə düşüb.

Ağır yaralanan 8 uşaq atası xəstəxanaya aparılsa da onun həyatını xilas etmək mümkün olmayıb.