Trampın otelində yanğın – İki nəfər xəsarət aldı - Yeniləndi

ABŞ Prezidenti Donald Trampın Nyu Yorkdakı mülkündə yanğın baş verib.

Teleqraf.com xəbər verir ki, bununla bağlı məlumat Tvitterdə yerləşdirilib.

“Tramp Tover”dəki yanğının səbəbləri, eləcə də ölən və ya xəsarət alanlarla bağlı heç bir məlumat verilmir.

Hadisə yerinə dərhal çox sayda yanğınsöndürən cəlb edilib.

19:25

Nyu-Yorkda “Tramp Tower” binasında baş verən yanğın söndürülüb.

Yanğın zamanı iki nəfər xəsarət alıb.

Yanğınsöndürənlərdən biri dağıntılar altında qalaraq yaralanıb.

Binanın mühəndisi isə tüstüdən zəhərlənib. Onlara ilkin tibbi yardım göstərilib.

Donald Trampın oğlu Erik Tramp bildirib ki, yanğın baş verən zaman ABŞ prezidenti Vaşinqtonda Ağ Evdə olub.