Ana əlini uzatdı, uşaq pəncərədən düşdü, aşağıda... - Video

İstanbulda evin pəncərəsindən düşən körpəni sakinlər xilas edib.

Teleqraf.com Türkiyə mediasına istinadla xəbər veri ki, uşaq evin açıq pəncərəsinə çıxaraq sallanmağa başlayıb.

Ətrafdakı insanlar bunu gördükdə balaca uşağı xilas etmək üçün səfərbər olublar. Həm evdə anaya xəbər çatdırılıb, həm də uşağın yıxıla biləcəyin yerə – balkonun altına parça açıblar. Vəziyyətdən xəbərdar olan ana sürətlə pəncərəyə tərəf qaçıb. Bu əsnada uşaq aşağıya düşüb. Pəncərənin altında gözləyən çoxsaylı sakinlər uşağı havada tutmağı bacarıblar.

Hadisə bir nəfər tərəfindən telefonla görüntüyə alınıb.