Prezidentin mühafizəçisi intihar etdi

Ukrayna Prezidenti Petro Poroşenkonun evinin mühafizəçisi intihar edib.

Teleqraf.com xəbər verir ki, bu barədə Ukrayna mətbuatı məlumat yayıb.

"Strana.ua" saytının xəbərinə görə, Poroşenkonun Kiyev yaxınlığındakı Konça-Zaspe ərazisindəki evini mühafizə edən polis əməkdaşı özünü öldürüb.

Xüsusi təyinatlı polis dəstəsinin serjantı olan Sergey Qalasun Poroşenkonun evinin yaxınlığında xidməti postunda intihar edib.

Hadisə fevralın 23-də baş verib.

Onun daha öncə də intihara cəhd etdiyi bildirilir. Hüquq-mühafizə orqanları məlumatı təsdiqləyib. Faktla bağlı cinayət işi açılıb.