Meşə zolaqlarında yanğın - FHN iş başında/Yeni

11:07

Martın 24-də tarixində axşam saatlarında Lerik rayonunun Vov, Vənədi kəndləri, Astara rayonunun Pəlikəş, Çükəş, Dolu kəndləri və Lənkəran rayonunun Biləsər kəndi yaxınlığında dağlıq ərazidəki meşə zolaqlarında yanğın başlayıb.

Teleqraf.com Fövqəladə Hallar Nazirliyinin saytına istinadən verdiyi məlumata görə, ərazi yüksək dağ massivində və çətin relyefdə yerləşdiyindən, eləcə də havanın küləkli olması yanğınların söndürülməsinə çətinliklər yaradıb.

Yanğınların söndürülməsi işlərinə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvə və texnikası, Ekologiya və Təbii Sərvətlər Nazirliyinin Meşə təsərrüfatı idarəsinin qüvvələri və yerli əhali cəlb edilib.

Əlavə məlumat veriləcək.​

***

Lənkəran və Astara rayonları ərazisində gecə saat 03:00 radələrində başlayan yanğın söndürülüb.

APA-nın cənub bürosunun məlumatına görə, ərazi yüksək dağ massivində, çətin relyefdə yerləşməsi və havanın küləkli olması səbəbindən yanğının qarşısı səhər saatlarında alınıb.

Səhər saatlarında yağış yağması və küləyin azalması yanğının söndürülməsinə əlverişli zəmin yaradıb.