Abşeronda ağır qəza: 1 ölü, 2 yaralı

Abşeron rayonunda ağır yol-nəqiyyat hadisəsi baş verib.

Teleqraf.com xəbər verir ki, rayonun Mehdiabad qəsəbəsindən Digah istiqamətində hərəkətdə olan Ağa Şərifovun idarə etdiyi "Toyota Prado" markalı avtomobil əks istiqamətdə hərəkətdə olan və ötmə əməliyyatı aparan Natiq Xudiyevin sürdüyü "Lada" markalı avtomobillə toqquşub.

Hadisə nəticəsində "Lada" markalı avtomobildə olan sərnişin, 1960-cı il təvəllüdlü Vaqif İbrahimov hadisə yerində ölüb.

Natiq Xuduyev və digər sərnişin Azad Xudiyev müxtəlif dərəcəli bədən xəsarətləri ilə xəstəxanaya yerləşdirilib.

Faktla bağlı cinayət işi başlanıb.