Su səddi çökdü: 3 min insan təhlükədə

Laosda su səddinin çökməsi səbəbindən yüzlərlə insan itkin düşüb.

Teleqraf.com xəbər verir ki, hələlik 19 şəxsin cəsədi tapılıb.

“Röyter”in məlumatına görə, 3 min insan xilas olunmağı gözləyir.

Laosun rəsmi xəbər agentliyi Attapeu əyalətində hidroelektrik səddin çökməsinin səbəblərinin bəlli olmadığını yazıb. Ehtimala görə, su səddi bölgədə güclü yağış və seldən sonra çöküb.

Nəticədə 6 kənd su altında qalıb, çoxlu sayda insan ölüb, yüzlərlə şəxs isə itkin düşüb.