"Caspian Plaza"da yanğın oldu - Foto/Video

Bu gün saat 11 radələrində Bakı şəhərinin Nəsimi rayonu Zivərbəy Əhmədbəyov küçəsində yerləşən "Caspian Plaza" biznes mərkəzinin 8 və 9-cu mərtəbələrində yanğın başlayıb.

Hadisə yerinə Nəsimi və Yasamal rayonlarının bir neçə yanğınsöndürmə briqadası cəlb edilib. Binada işləyənlər ofislərdən çıxarılıb.

Binanın 8-ci mərtəbəsində elektrik şitindən başlayan yanğının miqyasının genişlənməsinin qarşısı alınıb və hazırda davam edən tüstülənmənin tam dayandırılması istiqamətində iş aparılır.

Bildirilib ki, binada yanğın pilləkənləri mövcuddur və ofislərdə çalışanlar həmin pilləkənlərlə təxliyə edilib.

İlkin məlumata görə, tüstüdən zəhərlənən bir nəfər təcili tibbi yardım maşını ilə xəstəxanaya aparılıb./Lent.az!