DİN-dən dəhşətli qəza ilə bağlı – Açıqlama

Daxili İşlər Nazirliyi Göyçay rayonunda baş verən dəhşətli yol-qəzası ilə bağlı açıqlama yayıb.

Teleqraf.com xəbər verir ki, hadisə avqustun 24-də saat 23 radələrində Göyçay rayonunun Cəyirli kəndi ərazisində baş verib.

Aqşin Abdullayevin idarə etdiyi “Mercedes” və Ənvər Əhmədovun idarə etdiyi “VAZ-2106” markalı avtomobillər toqquşub.

Nəticədə Ənvər Əhmədov və sərnişinlərindən Ramil Salmanov, onun arvadı Gülnar, oğlu Azər hadisə yerində ölmüş, digər 5 sərnişini, habelə Aqşin Abdullayev və 2 sərnişini xəstəxanaya yerləşdiriliblər.

Faktla bağlı Göyçay rayon polis şöbəsində araşdırma aparılır.