İğdırda qondarma soyqırımla bağlı aksiya keçirildi

Beynəlxalq Diaspor Mərkəzi (BDM) Türkiyənin İğdır şəhərində bir sıra tədbirlər və görüşlər keçirib.

Mərkəsin mətbuat xidmətindən Teleqraf.com-a verilən məlumata görə, qondarma “erməni soyqırımı”na etiraz əlaməti olaraq BDM və ASİMDER-in təşkilatçılığı ilə mitinq keçirilib. Etiraz mitinqində BDM-in sədr müavini Samir Adıgözəlli çıxış edərək, uydurma “erməni soyqırımı”nı qınayaraq, dünyanı Xocalıda baş vermiş əsl soyqırımı görməyə çağırıb.

Aksiyada iştirakçılara ermənilərin Türkiyə və Azərbaycan ərazilərində həyata keçirdikləri qanlı cinayətlərdən bəhs edən film nümayiş etdirilib.

Türkiyədə səfərdə olan BDM sədr müavini bir sıra rəsmi şəxslər və dərnək rəhbərləri ilə, o cümlədən İğdır Kültür və Turizm müdiri Osman Engindəniz, Aralıq İlçə Bələdiyyə başqanı Bayram Teksay, İğdır Şəhid və Qazi Ailələri Dərnəyinin başqanı Kamber Güzelkaya və başqaları ilə görüşlər keçirib.

BDM tərəfindən hazırlanmış “İrəvandan Vana, Vandan Qarabağa erməni izi” adlı kitabın nüsxələrini S. Adıgözəlli İğdır Kültür və Turizm Müdürlüyünə və eyni zamanda İğdırdakı soyqırım muzeyinə bağışlayıb.

Sonda Ermənistanda Türkiyə bayrağının yandırılmasına etiraz əlaməti və cavab olaraq İğdırdakı soyqırım abidəsinin qarşısında Ermənistan bayrağı yandırılıb.

BƏXTİYAR