Evdən 11 minlik qızıl və pul oğurlandı – Naftalanda

Naftalan şəhərində oğurluq hadisəsi baş verib.

Teleqraf.com xəbər verir ki, şəhər ərazisindəki evlərin birindən 3500 manat, 200 ABŞ dolları və 120 lari, habelə 11110 manat dəyərində qızıl əşyalar oğurlanıb.

Naftalan şəhər polis şöbəsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Goranboy rayon sakinləri Səbuhi Səmədov və Ruslan Əsgərov saxlanılıblar.

Məlum olub ki, hər iki şəxs əvvəllər məhkum olunub.