Goranboyda ağır qəza: 1 ölü, 5 yaralı

Goranboy rayonunda ağır yol-nəqliyyat hadisəsi baş verib.

Teleqraf.com xəbər verir ki, rayonun Aşağı Ağcakənd kəndi ərazisində Zeyvə kənd sakini Kamran Quliyevin idarə etdiyi “Niva” və Börü kənd sakini Şaiq Sadıqzadənin idarə etdiyi “VAZ-21015” markalı avtomobillər toqquşub.

Kamran Quliyev idarəetməni itirdiyindən avtomobili yolun kənarındakı boruya vurub.

Nəticədə Kamran Quliyevin sərnişinlərindən Zakir Səmədov hadisə yerində ölüb, özü və digər 4 sərnişini xəstəxanaya yerləşdirilib.

Faktla bağlı Xocalı rayon polis şöbəsi tərəfindən araşdırma aparılır.