Evlərdən pul və qızıl oğurlandı – Bərdədə

Bərdə rayonunda oğurluq hadisəsi baş verib.

Teleqraf.com xəbər verir ki, rayon ərazisindəki evlərin birindən 2000 manat dəyərində qızıl-zinət əşyaları oğurlanıb.

Bərdə rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bərdə şəhər sakini Zamin Qurbanlı saxlanılıb.

Onun oktyabrın 24-də daha 1 evdən 200 manat, 80 ABŞ dolları və 14000 rus rublu, habelə qızıl və məişət əşyaları oğurlaması da müəyyən edilib.