Bakıda bir evdən qızıl, manat, dollar, avro oğurlandı

Bakının Suraxanı rayonunda oğurluq hadisəsi baş verib.

Teleqraf.com xəbər verir ki, hadisə rayonun Yeni Günəşli qəsəbəsində qeydə alınıb.

Qəsəbə sakini Samir Şirinovun evində olmadığı vaxt 20 min manatlıq qızıl-zinət əşyaları, 6800 dollar, 50 avro və 4500 manat oğurlanıb.

Zərərçəkmiş baş verən oğurluq hadisəsi ilə bağlı Suraxanı rayon Polis İdarəsinin 33-cü polis bölməsinə məlumat verib.

Hazırda polis cinayəti törədən şəxs və ya şəxslərin müəyyən edilərək tutulması üçün əməliyyat tədbirləri görür.

Faktla bağlı cinayət işi başlanıb.