Bakının mərkəzində svetoforlar niyə işləmir? - Foto

Bakının mərkəzində svetoforların fəaliyyətində problem yaranıb.

Bakı Nəqliyyat Agentliyindən Teleqraf.com-a verilən məlumata görə, bir qədər əvvəl Bülbül və Ü. Hacıbəyov küçələrinin kəsişməsində yol nəqliyyat hadisəsi baş berib. Qəza nəticəsində svetofor dirəyi və idarəetmə qutusu zədələnib.

Bu səbəbdən də hazırda S.Vurğun küçəsi ilə Z.Əliyeva və Ü.Hacıbəyov küçələri ilə kəsişməsində, Bülbül prospektinin Neftçilər prospekti, Xəqani, Z.Əliyeva və Ü.Hacıbəyov küçələri ilə kəsişməsində, S.Rüstəm və S.Bünyadov küçələrinin kəsişməsindəki svetoforların fəaliyyətində problem yaranıb. Svetoforların fəaliyyətinin bərpası üçün zəruri tədbirlər görülür.

BNA sürücülərdən nəqliyyat vasitəsini ehtiyatla, digər mövcud nişanların tələbinə riayət etməklə və ən əsası digər hərəkət iştirakçılarına qarşı anlayışla idarə etmələrini xahiş edir.