Avtomobilində güllələnən avtoritetlə bağlı YENİ XƏBƏR - Rusiyadan gəlibmiş və...

Saatlı rayonunun Azadakənd kəndində kriminal avtoritet kimi tanınan şəxs tapança ilə güllələnərək qətlə yetirilməsi hadisəsi ilə bağlı bəzi məqamlar üzə çıxıb.

Publika.az-ın əldə etdiyi məlumata görə, 1967-ci il təvəllüdlü kənd sakini Əkbərov Oktay Saleh oğlu 2 ay imiş ki, Rusiyadan Azərbaycana qayıdıbmış və doğulduğu kənddə yaşayırmış. O, uzun müddət Rusiyada həbsxanada olub. Sonuncu dəfə 8 il müddətində Rusiyada cəza çəkən Oktay Əkbərov həbsdən çıxan kimi Azərbaycana qayıdıbmış.

Bildirilir ki, qətl hadisəsi ötən gecə saat 00:00 radələrində baş verib.

Hələlik şəxsiyyəti məlum olmayan şəxs və ya şəxslər O.Əkbərovun başına tapança ilə 2 dəfə atəş açaraq onu öldürüb.

Hazırda əməliyyat-axtarış tədbirləri həyata keçirilir.