Bakıda qadını soyan keçmiş məhkum tutuldu

Bakının Nizami rayonunda oğurluq hadisəsi baş verib.

Teleqraf.com xəbər verir ki, dekabrın 4-də paytaxt sakini olan bir qadının cibindən içərisində 106 manat olan pulqabısı oğurlanıb.

24-cü polis şöbəsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini Rafiq Hüseynov saxlanılıb.

Məlum olub ki, Rafiq Hüseynov əvvəllər oğurluq və soyğunçuluğa görə məhkum olunub.

Faktla bağlı cinayət işi başlanıb.