Ağdaş rayonunda ölümlə nəticələnən yol-nəqliyyat hadisəsi baş verib.
Teleqraf.com xəbər verir ki, hadisə rayonun Zeynəddin kəndi ərazisində qeydə alınıb.
Rayon sakini Nəsimi Məsimov idarə etdiyi “Mercedes” markalı avtomobillə yolun kənarında velosiped sürən kənd sakini Məhəmməd Osmanovu vurub.
Nəticədə xəstəxanaya yerləşdirilmiş velosipedçi orada ölüb.
Faktla bağlı Baş İstintaq və Təhqiqat İdarəsi tərəfindən araşdırma aparılır.