"Sədərək" ticarət mərkəzində yanğın söndürüldü- Yeni

Bakı şəhərinin Qaradağ rayonunda “Sədərək” ticarət mərkəzinin ərazisində anbarlardan birində baş vermiş yanğın söndürülüb.

Teleqraf.com Fövqəladə Hallar Nazirliyinə istinadən xəbər verir ki, yanğından mühafizə bölmələri tərəfindən saat 10:21 dəqiqədə söndürülüb.

Əlavə məlumat veriləcək.

**

10:18

Bakı şəhərinin Qaradağ rayonunda “Sədərək” ticarət mərkəzinin ərazisində başlayan yanğın davam edir.

Teleqraf.com Fövqəladə Hallar Nazirliyinin saytına istinadən xəbər verir ki, ticarət mərkəzində anbarlardan birində baş vermiş yanğın Fövqəladə Hallar Nazirliyinin yanğından mühafizə bölmələri tərəfindən həyata keçirilən təxirəsalınmaz tədbirlər nəticəsində qısa müddətdə məhdudlaşdırılıb.

Hazırda yanğınsöndürmə işləri davam etdirilir. Əlavə məlumat veriləcək.

***

09:16

Bakı şəhəri, Qaradağ rayonunda “Sədərək” ticarət mərkəzinin ərazisində yanğın başlayıb.

Hadisə şahidlərinin "Report"a verdiyi məlumata görə, yanğın bazarın "Təsərrüfat bazarı" hissəsindəki anbarda qeydə alınıb.

Fövqəladə Hallar Nazirliyinin məlumatına görə, Dövlət Yanğından Mühafizə Xidmətinin yanğından mühafizə bölmələri çağırış ünvanına cəlb olunub. Hazırda yanğınsöndürmə işləri davam etdirilir. Əlavə məlumat veriləcək.