Yevlaxda qəza - Xəsarət alanlar var

Yevlax-Bəhrəmtəpə avtomobil yolunda 1 nəfərin xəsarət alması ilə nəticələnən yol qəzası baş verib.

Binəqədi rayon sakini, 1966-cı il təvəllüdlü Elşən Qarayevin idarə etdiyi, "Mercedes-Benz" markalı avtomobil hərəkətdə olan zaman idarəetmədən çıxaraq öncə yolayrıcı metal maneəyə, daha sonra yaxınlıqdakı dəmir yolu xəttinin kənarındakı metal maneələrə çırpılıb. Qəza nəticəsində sürücü xəsarət alıb. Avtomobilə və yol təsərrüfatına ziyan dəyib.

İlkin ehtimala görə, qəzaya sürücünün sükan arxasında yuxulaması səbəb olub.

Faktla bağlı araşdırma aparılır.