Azərbaycanlılar və ermənilər yaralandı - Kütləvi dava

Ukraynanın Odessa şəhərində baş vermiş kütləvi davada Azərbaycan və Ermənistan vətəndaşı olan 4 nəfər yaralanıb.

Teleqraf.com xəbər verir ki, bu barədə Ukrayna Daxili İşlər Nazirliyi məlumat yayıb.

Məlumata görə, davada 8 nəfər iştirak edib. İştirakçılardan 4 nəfəri qırılmış şüşə parçaları ilə yaralanıb.

Yaralananlar ikisi Azərbaycan, ikisi Ermənistan vətəndaşıdır.

Davanın səbəbləri gizli saxlanılır.

Hadisə ilə əlaqədar cinayət işi açılıb, araşdırma aparılır.