Evdə yanğın: bir ailənin 4 üzvü öldü

Rusiyanın Omsk şəhərində bir ailənin 4 üzvü mənzildə baş verən yanğın zamanı dəm qazından zəhərlənərək, ölüblər.

Teleqraf.com-un "RİA Novosti"yə istinadən xəbərinə görə, ölənlərdən biri uşaqdır.

İlkin məlumata görə, yanğın fərdi yaşayış evindəki sobanın qəza vəziyyətində olması səbəbindən baş verib. Kəskin zəhərlənmə nəticəsində ev sahibi olan 57 yaşlı qadın, onun 30 yaşlı qızı, 2 yaşlı nəvəsi və 44 yaşlı kürəkəni həlak olublar.

Faktla bağlı cinayət işi açılıb, araşdırma aparılır.