Bakıda yol polisinin reydi zamanı qəza baş verdi - Foto/Video

Bakıda ictimai təhlükəsizliyin yüksək səviyyədə təmin edilməsi məqsədilə paytaxtın bir neçə rayonlu ilə yanaşı Xətai rayonu ərazisində də profilaktik-maarifləndimə tədbirləri həyata keçirilib.

Reyd zamanı sərnişindaşıma fəaliyyəti ilə məşğul olan ictimai nəqliyyat vasitələrini, ötmə və manevr qaydalarını, eyni zamanda işıqforun qırmızı işığının tələblərini pozan sürücülərlə profilaktik və maarifləndirici söhbətlər aparılaraq onlara yol hərəkəti qaydalarının müvafiq bəndləri izah edilib.

Reyd zamanı avtomobil qəzası da qeydə alınıb. Belə ki, hərəkətdə olan “Mercedes” markalı avtomobil “Volkswagen” markalı avtomobilə çırpılıb. Yol polisi əməkdaşları dərhal qəza baş verən əraziyə yaxınlaşaraq əvvəlcə iki sürücülərin xəsarət alıb-almaması ilə maraqlanıb.

DYPŞ əməkdaşları tərəfindən rayon ərazisində nəqliyyat axınının intensiv olduğu yollarda hərəkət iştirakçıları olan sürücü və piyadalarla fərdi söhbətlər aparılıb. Söhbətlər zamanı yol polisləri sürücü və piyadalara inzibati xəta tərkibi yaradan hərəkətlərin təkcə qanun pozuntusu yox, həm də insanın həyat və sağlamlığına ciddi ziyan vurduğu barədə məlumat veriblər.

Qeyd edək ki, sürücü və piyadalar arasında profilaktik, eləcə də maarifləndimə tədbirləri bundan sonra da mütəmadi olaraq davam etdiriləcək.