Gəncə sakini kirayə qaldığı evdən oğurluq etdi - Goranboyda

Goranboy rayonunda oğurluq hadisəsi baş verib.

Teleqraf.com xəbər verir ki, rayon ərazisindəki evlərin birindən içərisində 317 ABŞ dolları olan seyfi oğurlanıb.

Ev sahibi baş verən oğurluq hadisəsi ilə bağlı Goranboy rayon polis şöbəsinə müraciət edib.

Polis Rəməkdaşlarının keçirdikləri əməliyyat-axtarış tədbirləri nəticəsində şübhəli bilinən Gəncə şəhər sakini S.Məmmədov saxlanılıb.

Ondan 1 ədəd bıçaq aşkar edilərək götürülüb.

Məlum olub ki, S.Məmmədov həmin evdə kirayə qalırmış.

O, rayon ərazisində fəhləliklə məşğul olub.

Faktla bağlı cinayət işi başlanıb.