Şamaxıda ağır qəza: İki qardaş öldü, yaralılar var - Foto

Şamaxı rayonunda ağır yol-nəqliyyat hadisəsi baş verib.

Report xəbər verir ki, hadisə rayon mərkəzində qeydə alınıb.

"Niva" markalı minik avtomobili ilə "SHACMAN" markalı yük maşınının toqquşması nəticəsində 2 nəfər ölüb, bir neçə nəfər yaralanıb.

Ölənlərin qardaş olduğu bildirilir.

Hadisə yerinə hüquq-mühafizə orqanlarının əməkdaları və Təcili Tibbi Yardım Stansiyasının həkimləri cəlb edilib. Yaralılar təcili yardım maşınları ilə xəstəxanaya çatdırlıb.

Faktla bağlı araşdırmalara başlanılıb.