Gəncədə qəbristanlıqdan oğurluq edənlər tutuldu

Gəncə şəhərində baş verən bir neçə oğurluq hadisəsinin üstü açılıb.

Teleqraf.com xəbər verir ki, Gəncə şəhər Baş Polis İdarəsi və Kəpəz rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində Gəncə sakini İ.Hümbətov və Goranboy rayon sakini E.Cəfərov saxlanılıblar.

Onların şəhər ərazisindəki 3 həyətyanı sahədən su mühərriki, elektrik naqili, təmir-tikinti alətləri və məişət əşyaları, habelə qəbirlərin üzərində quraşdırılmış 3 ədəd alüminium güldanı oğurlamaları müəyyən edilib.

Faktla bağlı cinayət işi başlanıb.